GEO
ჩვენი ისტორია
სოც. ქსელი
1891

საუკუნეთა მანძილზე იცავდნენ და ინახავდნენ ერთმანეთს ვაზი და ვაზისუბნელები. ამ პროცესში კი ფლაგმანის როლს, ტრადიციულად, მხარის მფლობელი არისტოკრატები- ჭავჭავაძეები ასრულებდნენ. ამასვე ადასტურებს აქ შემონახული 100-მდე ჯიშის ვაზი და არნახული სამეღვინეო არქეოლოგია, თუ ეთნოგრაფია, რომლებსაც უხსოვარ ათასწლეულებში გადავყავართ.

ისტორია 1869 წლის 22 აპრილიდან, სულხან ჭავჭავაძის დაბადებით იწყება. ინტელექტუალი თავადი- ასეთი დახასიათებით შევიდა იგი XIX ს-ის ქართველ პატრიოტთა სიაში. ეს სახელი  მან კახეთში, წერა-კითხვის გამავრცელებელი საზოგადოების, რამდენიმე სკოლის, რკინიგზის ხაზის გაყვანისა და სხვა მრავალი ეროვნულ საქმეთა კეთებით დაიმსახურა.

თავადის უმთავრესი საქმე და გატაცება  მევენახეობა - მეღვინეობა იყო. მისი ვენახები 20 ჰექტარზე ყოფილა გაშენებული, საიდანაც მოყვანილი მოსავლიდან 60 000 ლიტრამდე არაჩვეულებრივ ღვინოს წურავდა და საკუთარ მარანშივე ჩაყრილ ქვევრებში აძველებდა.

სულხანის გემოვნების, შრომისმოყავრეობის და მიზანსწრაფულობის უპირველეს დასტურად მისივე სასახლე, მარანი და კარმიდამო იქცა, რომელიც მას თავის მამულში პაპისეული სახლის ფუძეზე აუგია.

თავადმა 1921 წლის დასაწყისში დატოვა სამშობლო. დატოვა იმ იმედით, რომ ოდესმე კიდევ შეხვდებოდა ალიონს თავისი სასახლის აივანზე და თვალს შეავლებდა სანატრელ ზვრებს.

ვერ დაბრუნდა. მისი ნასათუთარი მამული ჯერ რომანოვების სასახლედ იქცა, შემდეგ კი საცდელ მეურნეობად. გაქრა ყველაფერი, სახელიც კი, როგორც ერთ დროს წალკოტად ქცეული მისი სასახლე და კარ-მიდამო.

გაცოცხლებული ისტორია

„ვაზისუბნის მამულს“ მდიდარი ისტორია აქვს. ულამაზეს სასახლეს გარს არტყავს საუცხოოდ მოვლილი ვენახები, საიდანაც მიღებული მოსავლით არაჩვეულებრივი ღვინო დგება. სასახლე წარმოადგენს კულტურული მემკვიდრეობის ძეგლს და XIX ს-ის ქართული ხუროთმოძღვრების ერთ-ერთ საუკეთესო ნიმუშს. ამჟამად მიმდინარეობს სასახლის რესტავრაცია, რომელიც 2019 წლის შემოდგომაზე დასრულდება. გაიხსნება ბუტიკის ტიპის სასტუმრო, რომლის დიზაინზე და არქიტექტურაზე ბრიტანელმა სპეციალისტებმა იმუშავეს. შენობა კულტურული მემკვიდრეობის ძეგლს და ქართული ხუროთმოძღვრების საუკეთესო ნიმუშს  წარმოადგენს. აქ მთლიანად შეინარჩუნეს სასახლის ფასადის პირვანდელი სახე. აღდგენილი სასახლე გახდება რეგიონის ერთ-ერთი მიმზიდველი ტურისტული ღირშესანიშნაობა.  

 



დაგვიკავშირდით
მისამართი
ვაზისუბანი, კახეთის რეგიონი, საქართველო, 1504
ოფისი
თბილისი, სადგურის მოედანი 2
ელ-ფოსტა
 
ტელეფონი

ოფისი: 032 2 95 11 34
გაყიდვების დეპარტამენტი:+995 599 89 78 00
ტურიზმის დეპარტამენტი: 591 04 01 10
მარკეტინგის დეპარტამენტი: +995 599 93 10 11
ექსპორტი: +995 599 96 15 05