მამულის ღვინო

მამულის ღვინო

ვაზისუბნის მამული აწარმოებს ორ ბრენდს: ვაზისუბნის მამულის ქვევრის ღვინოები და „ქართული მზე“, რაც ახალი მიმართულებაა ბრენდის შემქმნელებისთვის.

ვაზისუბნის მამულში წარმოდგენილია ტრადიციული ტექნოლოგიით დამზადებული ქვევრის გაუფილტრავი მშრალი ღვინოები. ქვევრი არის ტრადიციული თიხის ჭურჭელი, რომელსაც ქართველები საუკუნეების განმავლობაში იყენებდნენ ყურძნის წვენის დასამუშავებლად. ქვევრის ღვინის დამზადებას საქართველოში 8 000 წლიანი უწყვეტი ისტორია აქვს.

აღსანიშნავია, რომ ცოტა ხნის წინ, გავლენიანმა ბრიტანულმა გაზეთმა The Independent-მა დაასახელა აღმოსავლეთ ევროპის საუკეთესო 14 ღვინო, სადაც საქართველოდან დასახელებულ საუკეთესოთა შორის ვაზისუბნის მამულის ქვევრის საფერავი მოხვდა .

”ქართული მზე” ჩამოყალიბდა ქართული ღვინის ახალი გემოების შექმნის იდეის გარშემო. მისი შემქმნელების მიზანია, დაანახოს მსოფლიოს ქართული მზის ქვეშ დაბადებული ზღაპრული სასმელის უნიკალური პოტენციალი.

მეღვინე

ლადო უზუნაშვილი

ვაზისუბნის მამულის ღვინოს ქმნის ცნობილი მეღვინე ლადო უზუნაშვილი, რომელსაც ამ სფეროში 40 წელზე მეტი ხნის გამოცდილება აქვს. მის მიერ შექმნილმა 150-ზე მეტი დასახელების ღვინომ მსოფლიოს სხვადასხვა ღვინის კონკურსებზე ოქროს მედლები მოიპოვა. ლადო უზუნაშვილი ვაზისუბნის მამულში ქმნის ქართული ხასიათის ღვინოს, ტრადიციული ქართული და თანამედროვე ტექნოლოგიების შერწყმით. ვაზისუბნის მამული აგრძელებს ახალი გზების ძიებას და ყოველთვის ცდილობს, შესთავაზოს ღვინის მოყვარულებს ახალი ექსკლუზიური პროდუქტები.

ღვინის მაღაზია

მე-19 საუკუნის ციხესიმაგრეში განთავსებული ვაზისუბნის მამულის მაღაზია გიწვევთ, აღმოაჩინოთ ადგილობრივი წარმოების სხვადასხვა სახეობის წითელი, თეთრი ღვინოები და ჭაჭის არყის სხვადასხვა ასორტიმენტი. ღვინის მაღაზია ღვინის მოყვარულებს სთავაზობს ღვინის ორიგინალურ შერჩევას, წიგნებს ღვინოზე და სპეციალურ ხელნაკეთ ნივთებს, რომელიც ატარებს მამულის სტილს და ხასიათს.

სამუშაო საათები:

ორშაბათიდან კვირამდე, 10:00 სთ-დან 19:00 სთ-მდე

Since 1981